XI Encontros Galegos de Terapia Familiar
Data: Sábado, 27 de Novembro de 2021
Tipo: Encontros
Modalidade: Presencial
Ubicación: Salón de Actos da Facultade de Psicoloxía
Enderezo: Rúa Xosé Mª Suárez Núñez s/n. (Campus Vida)
15782 Santiago de Compostela
Prazo límite de recepción: 20/11/2021
Formación: Acreditaranse 9,5 horas de formación
Prezos
Asociados/as da ATFM de Galicia/FEATF/SPTF: 21€
Colexiados/as do Colexio Oficial de Psicoloxía de Galicia: 22€
Estudante universitario/a, máster e 3º Ciclo: 23€
Desempregados/as: 24€
Outros/as profesionais: 25€
Observacións
- Unha vez rematado o prazo de inscrición, non se devolverá o importe por cancelación.
- Horas de formación válidas para a reacreditación como terapeuta familiar e categorias docentes
- Nos prezos, comprobarase ca FEATF/SPTF ou COP.
Presentación
Despois de dous anos sen vernos presencialmente sentimos a necesidade de reencontrarnos, de escoitarnos e de saber como nos vai e de aí a nosa aposta por arrancar con esta primeira actividade presencial despois de tanto tempo.
Apetécenos reencontrarnos con todas aquelas persoas que xa sodes habituais e saber de vós, e tamén coñecer a aquelas persoas que se asociaron recentemente e saber dos seus intereses, da súa actividade e do que lle podemos achegar. Por suposto, tamén será un bo momento para quen se atope no proceso de formación nunha escola ou para aquelas persoas alleas á Asociación que teñan interese polos enfoques de Terapia Familiar.
Ademais de reencontrarnos, gustaríanos escoitarvos e coñecer o que estades facendo, polo que abrimos un espazo de comunicacións, no que poderás contarnos o teu proxecto, investigación, reflexión… Envíanos a túa proposta indicando título, resumo e duración aproximada antes do 15 de novembro a secretaria@atfmgalicia.gal.
Por mor da situación que estamos a vivir, e dado que a capacidade do Salón de Actos está limitada a 120 persoas por razóns de seguridade, vémonos obrigados/as a cobrar unha cantidade simbólica de 5 euros aos/ás asociados/as que estean ao corrente de pago e tamén para os membros das asociacións federadas de Terapia Familiar.
Para inscribirte, envía un correo electrónico coa ficha de inscrición e o xustificante de pago.
Asemade, nestes XI Encontros celebraremos tamén o 30 aniversario da Asociación de Terapia Familiar e Mediación de Galicia.
Programa
- 10:00 “Encontros, desencontros e reencontros” por Ana Mª Sieiro Moral
- 11:00 “Cara ao contexto, e máis aló!” por Olaia Carrera Guermeur
- 12:00 Descanso
- 12:30 “Erros, dúbidas e inseguridades en Psicoterapia” por Cristina Veira Ramos.
- 16:00 “O dó desde unha ollada caleidoscópica” por Pilar Rey Suárez.
- 17:00 Comunicación “Valoración da ansiedade en idades temperás en TEA: Repercusión en problemas de conduta” por Silvia Gómez Ríos.
- 17:30 Descanso
- 18:00 Mesa redonda: “Reflexións” con Pepe Rodríguez-Arias, Emilio Gutiérrez, Gonzalo Martínez e Carlos Álvarez.