A ATFM de Galicia organiza o sábado 30 de maio de 2026 o seminario en liña “Sa(u)na, sa(u)na, cuíño de ra: a sauna como contexto facilitador do afrontamento do medo”, impartido por Naomi García Rodríguez.
Naomi García Rodríguez
É psicóloga xeral sanitaria e bióloga pola Universidade de Santiago de Compostela (USC), onde obtivo o Premio Extraordinario do Máster en Psicoloxía Xeral Sanitaria. Actualmente realiza o doutoramento en Neurociencia e Psicoloxía Clínica baixo a dirección de Emilio Gutiérrez García, centrado nas aplicacións terapéuticas da sauna na intervención psicolóxica.
Conta con diversas publicacións científicas en revistas internacionais e forma parte, desde 2023, da Unidade Venres Clínicos. Asemade, colabora como psicoterapeuta no Programa de Avaliación e Tratamento Terapéutico de Menores en Situación de Risco e Desamparo, coordinado pola UIICF.
PROGRAMA
Neste seminario abordarase o uso da sauna como ferramenta complementaria na intervención psicolóxica dos trastornos de ansiedade, a partir da experiencia clínica da Unidade Venres Clínicos ao longo de máis de 25 anos.
A partir da resposta do organismo á calor e dos seus efectos psicolóxicos, analizarase o potencial da sauna para modular a experiencia do medo e facilitar os procesos de exposición. Presentaranse tamén as investigacións actualmente en curso na Unidade Venres Clínicos, revisando de maneira específica o caso da fobia ás agullas en colaboración coa psicóloga Sara Marcos Lamas.
Ao longo da sesión reflexionarase, ademais, sobre os posibles mecanismos implicados, as boas prácticas e contraindicacións no uso da sauna, así como sobre as distintas formas de aplicación e integración desta ferramenta no proceso terapéutico.
DATOS DE INTERESE
- Seminario en liña a través da Plataforma Zoom
- Horario: de 10:00 a 13:00
- Prezo:
- Asociados/as da ATFM de Galicia/FEATF/SPTF: 10 €.
- Colexiados/as do COPG e do COTSG: 15 €.
- Estudante universitario/a, máster e 3º Ciclo: 10 €.
- Demandantes de emprego: 10 €.
- Outros/as profesionais: 20 €.
- Prazo: Ata o mércores 27 de maio ou ata completar a capacidade (90 prazas).
- Podes facer a inscrición enviándonos un correo electrónico a secretaria@atfmgalicia.gal
- Ficha de inscrición editable en documento adxunto.
- Certificaranse 3 horas de formación, válidas para a reacreditación do título de psicoterapeuta familiar e dos diferentes niveis de docencia.
DATOS BANCARIOS
Nº de Conta: ES23 3070 0035 2063 1747 8326
Banco: CAIXA RURAL GALEGA
Titular: ASOCIACION DE TERAPIA FAMILIAR E MEDIACION DE GALICIA
-
Envía nun correo a ficha de inscrición adxunta xunto co xustificante de pago.
-
Engade a documentación que xustifique o tipo de inscrición (colexiación, matrícula, tarxeta desemprego, etc).
-
Se queres factura lembra encher os datos necesarios.