Baixo o lema “35 anos tecendo redes na terapia familiar en Galicia”, o vindeiro 28 de novembro celebraremos en Santiago de Compostela os XII Encontros Galegos de Terapia Familiar.
Será unha xornada para reencontrarnos, compartir experiencias e seguir fortalecendo a nosa comunidade profesional. Ao longo destes 35 anos, a Asociación foi medrando grazas ás persoas asociadas, que co seu traballo contribúen ao desenvolvemento da terapia familiar en Galicia.
Os Encontros son un espazo de intercambio para dar visibilidade ao traballo que se realiza en Galicia desde diferentes contextos profesionais e seguir tecendo redes arredor da terapia familiar.
Participa cos teus traballos
Como en edicións anteriores, unha parte importante do programa estará dedicada ás vosas achegas. Se queres presentar un taller, unha comunicación, unha experiencia profesional, un proxecto, unha investigación ou unha reflexión sobre a terapia familiar, anímate a participar.
Podes enviar a túa proposta ata o 30 de setembro ao correo secretaria@atfmgalicia.com, indicando:
- Título da proposta.
- Formato (taller ou comunicación).
- Breve resumo.
- Duración aproximada.
- Nome e apelidos da persoa ou persoas participantes.
Inscrición de balde para persoas asociadas
Este ano, a inscrición será de balde para todas as persoas asociadas á ATFM Galicia, e ese mesmo día aproveitaremos tamén para celebrar a Asemblea Xeral de socias/os.
Agardámoste en Santiago de Compostela para compartir unha nova edición dos Encontros Galegos de Terapia Familiar.
DATOS DE INTERESE
- Horario: de 10:00 a 13:30 e de 16:00 a 20:00
- Lugar: Edificio Cersia Rúa Alcalde Raimundo López Pol s/n (San Lázaro)
15703 Santiago de Compostela - Prezo:
- Asociados/as da ATFM de Galicia/FEATF/SPTF: De balde
- Colexiados/as do COPG e do COTSG: 15 €.
- Estudante universitario/a, máster e 3º Ciclo: 5 €
- Alumnado centros docentes acreditados: 5 €.
- Demandantes de emprego: 5 €.
- Outros/as profesionais: 20 €.
- Prazo: Ata o martes 24 de novembro ou ata completar a capacidade (190 prazas).
- Podes facer a inscrición enviándonos un correo electrónico a secretaria@atfmgalicia.gal
- Ficha de inscrición editable en documento adxunto.
- Certificaranse 7.5 horas de formación, válidas para a reacreditación do título de psicoterapeuta familiar e dos diferentes niveis de docencia.
DATOS BANCARIOS
Nº de Conta: ES23 3070 0035 2063 1747 8326
Banco: CAIXA RURAL GALEGA
Titular: ASOCIACION DE TERAPIA FAMILIAR E MEDIACION DE GALICIA
- Envía nun correo a ficha de inscrición adxunta xunto co xustificante de pago.
- Engade a documentación que xustifique o tipo de inscrición (colexiación, matrícula, tarxeta desemprego, certificado do centro docente, etc).
- Se queres factura lembra encher os datos necesarios.
