A ATFM de Galicia organiza para o sábado 7 de marzo de 2026 o seminario en liña “Terapia breve: estratexias con sixilo para a primeira sesión con parellas” coa psicóloga sanitaria, sexóloga e especialista en terapia breve de parella Ana Parra.
ANA PARRA
Psicóloga xeral sanitaria e sexóloga, formada na Universidade de Salamanca, Ana é especialista no estudo do universo da parella e das relacións humanas. Conta cunha traxectoria de 8 anos na intervención breve e estratéxica con parellas, o que lle permite desmiuzar dinámicas complexas e facilitar ferramentas que promoven cambios rápidos e sostibles. Actualmente compaxina o seu labor clínico coa formación especializada para profesionais do sector.
PROGRAMA
- Presentación
- Por que estratexias con sixilo?
- Fundamentación teórica para a intervención en terapia breve con parellas
- Clasificación dos tipos de parellas que solicitan axuda
- Consentimento informado estratéxico en terapia de parella
- 10 estratexias imprescindibles para realizar unha boa primeira sesión en terapia breve con parellas
- Entrevista da primeira sesión (13 pasos para unha entrevista completa)
- Diferenzas entre queixa, demanda e obxectivo
- Como transformar as queixas e demandas individuais en obxectivos da parella
- Análise dun caso de parella na primeira sesión (sesión gravada)
- Algunhas hipóteses sobre o amor
- Lecturas recomendadas
Terapia breve: estratexias con sixilo para a primeira sesión con parellas
Este obradoiro intensivo de 3 horas está deseñado para que o profesional obteña un mapa claro e estruturado da primeira sesión. Desde a xestión estratéxica do consentimento ata a transformación de reproches en obxectivos comúns, o contido apóiase na análise dunha sesión real gravada, garantindo unha aprendizaxe pragmática e directamente aplicable en consulta.
“O éxito dunha terapia de parella adoita decidirse nos primeiros 60 minutos; aprender a intervir con sixilo é a clave para non perder o sistema.”
DATOS DE INTERESE
- Seminario en liña a través da Plataforma Zoom
- Horario: de 10:00 a 13:00
- Prezo:
- Asociados/as da ATFM de Galicia/FEATF/SPTF: 10 €.
- Colexiados/as do COPG e do COTSG: 15 €.
- Estudante universitario/a, máster e 3º Ciclo: 10 €.
- Demandantes de emprego: 10 €.
- Outros/as profesionais: 20 €.
- Prazo: Ata o mércores 4 de marzo ou ata completar a capacidade (90 prazas).
- Podes facer a inscrición enviándonos un correo electrónico a secretaria@atfmgalicia.gal
- Ficha de inscrición editable en documento adxunto.
- Certificaranse 3 horas de formación, válidas para a reacreditación do título de psicoterapeuta familiar e dos diferentes niveis de docencia.
DATOS BANCARIOS
Nº de Conta: ES23 3070 0035 2063 1747 8326
Banco: CAIXA RURAL GALEGA
Titular: ASOCIACION DE TERAPIA FAMILIAR E MEDIACION DE GALICIA
-
Envía nun correo a ficha de inscrición adxunta xunto co xustificante de pago.
-
Engade a documentación que xustifique o tipo de inscrición (colexiación, matrícula, tarxeta desemprego, etc).
-
Se queres factura lembra encher os datos necesarios.