ATFM de Galicia organiza para o sábado 17 de outubro de 2020 o seminario "O pensamento centrado en solucións na acción: Ideas útiles para a intervención" co psicólogo Toni Medina, a través da plataforma de vídeo conferencia Zoom.

toni medina recorteToni Medina é licenciado en Psicoloxía pola Universidad de La Laguna e Máster en Intervención Familiar. Desenvolve o seu labor profesional nos Servizos Sociais Municipais de San Cristóbal de la Laguna, traballando con menores e as súas familias.

Formouse con Mark Beyebach no enfoque centrado en solucións acreditando a súa formación pola IASTI (International Alliance of Solution-Focused Teaching Institutes).

Publicou diversos artigos e colaborou como coautor en publicacións relacionadas coa aplicación do enfoque, ademais de impartir formación para grupos, en universidades, entidades públicas e privadas, nacionais e internacionais, especialmente no ámbito da protección de menores, xustiza xuvenil e atención social.

Recibiu dous premios a nivel estatal e internacional, tanto por parte da FEATF
(2011) como da EBTA (2012), pola súa investigación sobre os efectos do enfoque centrado en solucións en protección de menores.
 

 

OBXECTIVOS DO SEMINARIO

👉 Achegar aos e ás participantes ao pensamento centrado en solucións.

👉 Descubrir como se poden relacionar estas ideas coa práctica da intervención dunha forma útil.

👉 Reflexionar sobre os seus efectos tanto nos e nas profesionais como nas familias que atenden.
 
METODOLOXÍA
O seminario de 3 horas que impartirá Toni Medina será práctico, dinámico e participativo.
 
DATOS DE INTERESE:
  • Plataforma Zoom
  • Horario: De 10:00 a 13:00 horas
  • Prezo: Asociados, alumnos-socios, estudantes universitarios/as e desempregados/as 10 €. Colexiados/as do COPG 15 €. Outros profesionais: 20 €.
  • Prazo: Ata o 12 de outubro ou ata completar o aforo.
  • Podes facer a inscrición enviándonos un correo electrónico a This email address is being protected from spambots. You need JavaScript enabled to view it.
  • Ficha de inscrición en documento adxunto.

Certificaranse 3 horas de formación, válidas para a reacreditación do título de Terapeuta Familiar e dos diferentes niveis de docencia.

Attachments:
FileDescriptionFile size
Download this file (2020_10_17 Seminario con Toni Medina _editable.pdf)2020_10_17 Seminario con Toni Medina _editable.pdf 2009 kB

Federación Española de Asociaciones de Terapia Familiar -FEATF- organiza só para asociados/as a actividade formativa Retos en la regulación de la Psicoterapia o sábado 24 de outubro de 2020 a través da plataforma de vídeo conferencia Zoom. Esta actividade é de balde.

O programa será o seguinte:

  • 10:00-11:30: Regulando la psicoterapia, con Paz Herrera e Teresa Moratalla.
  • 12:00-13:30: Ser o No ser Psicoterapeuta:
    -La identidad profesional del psicoterapeuta con Guillem Feixas.
    -Habilidades y formación del psicoterapeuta con Alberto Rodríguez.
  • 17:00: Asemblea de socios/as FEATF

Máis información e inscricións na web da FEATF

A proposta deste I Encontro EntreAsociaciones consiste en reunir nun só evento aos/as socios/as colaboradores/as do Proxecto e organizar unhas Xornadas formativas con talleres o venres pola tarde e o sábado pola mañá. De maneira que os demais socios e socias de todas as Asociacións membro acudan, neste caso a Segovia, a gozar dunha Xornada formativa na que intercambiaremos experiencias e coñecementos nun ambiente relaxado e distendido co fin de promover e potenciar o intercambio entre Asociacións, que é o obxectivo deste Proxecto.

Esta actividade está recoñecida con 8 horas de Formación Continua pola FEATF.

Prezos Socios/ as FEATF: 40€

Non socios/ as FEATF: 80€

 

 

Ante a situación extraordinaria provocada pola crise do COVID-19, desde a FEATF puxeronse en marcha 3 edicións en liña da formación sobre intervención en situacións de crise desde o enfoque sistémico, impartidas polo profesor José Navarro Góngora.

As formacións tiveron lugar os días 9, 13 e 23 de abril de 2020, durante o tempo de confinamento.

Prezos Socios/ as FEATF: 5 €

Non socios/ as FEATF: 20 €

 

 

Federación Española de Asociaciones de Terapia Familiar -FEATF- organiza, xunto coa ATFM de Galicia, as XXXIX Jornadas Nacionales de Terapia Familiar en Santiago de Compostela os días 8 e 9 de novembro de 2019 na Facultade de Psicoloxía, Campus Vida.

Abordaremos o tema "Cruce de Camiños: Os factores comúns na terapia familiar", a fin de reflexionar e abrir debate sobre como os distintos modelos de terapia entrecruzan os seus camiños na procura do cambio.

Programa Jornadas CAS recorte

Consulta a web das Jornadas Nacionales en https://jntf2019.es onde poderás ver o programa tan interesante que temos preparado  e tamén facer a inscrición.

Animámoste a participar enviándonos antes do 1 de setembro as túas propostas de pósteres, comunicacións e/ou obradoiros.

Lembra que podes seguir todas as novidades a través de Facebook Twitter.

 

Attachments:
FileDescriptionFile size
Download this file (Programa_Jornadas_[CAS]_lq_(rev.JULIO).pdf)Programa_Jornadas_[CAS]_lq_(rev.JULIO).pdf 1347 kB
Download this file ([GL]_Jornadas_2019_Redes_sociales_(1024).jpg)Cartaz 144 kB